На 01 јуни 2018 им беа доделени Решенија на тринаесет Локални акциони групи од Македонија кои се запишани во Регистарот на лагови кое се води при Министерство за земјоделство, шумарство и водостопанство, а согласно утврдените критериуми кои треба да ги исполнува една Локална акциона група (ЛАГ) од Македонија.

Со ова практично се затвори еден процес кој започна во декември 2013 (за некои лагови и порано) и чија цел беше формирање на нови правни субјекти, организации, кои ќе работат во делот на ревитализацијата на селото и руралните подрачја на територијата на Македонија.

Овие локални акциони групи се здруженија кои се регистрирано формално – правно во Централен Регистер на Македонија и преставуваат доброволни, непрофитни, невладини и непартиски организации, формирани со слободно здружување на субјекти од граѓанскиот, јавниот и бизнис сектор кои делуваат на определена територија (согласно определене територија која опфаќа минимум две општини) и во која се членува на доброволна основа со единствена цел преземање на активности и ангажирање заради остварување на поширок општествен интерес од областа на руралниот развој и ревитализација на селото.

Локалните акциони групи имаст задача да ги спроведуваат принципите и политиките за рурален развој со примена на ЛЕАДЕР мерката како дел од ИПАРД програмата во Македонија, импементирајќи проектни иницијативи согласно Стратегијата за локален развој воден од заедницата (CLLD-  community led local development)

Локалната акциона група ќе биде иницијатор, двигател и креатор во мобилизирањето на локалните потенцијали преку организација на чинителите, преку едукација на граѓаните и правните лица, како и обезбедување на поддршка на активности за подобрување на условите на живот и севкупен развој на руралната популација.Исто така, високо на нивната агенда ќе биде и негувањето на економските, културните и историските вредности на руралните населени места на територијата на општините локалната акциона група е основана и каде ќе дејствува.